انا عنقود العنب
===========
انا عنقود العنب
اللي بضلل عليه
انا كتف انا السند
لو مال مرة يلاقي
انا اللي شايلة همه
انا اللي صاينة سره
انا اللي جوه قلبه
ودايما حاسة بيه
انا اللي معاه في فرحه
وتملي بداوي جرحه
تلقيني في عز ضعفه
انا اللي بحتويه
انا اللي كلي شكله
وياه وبعيش مشاكله
شيفاه وشايفة شكله
وتملي حاسة بيه
انا فرشته وغطاه
انا النبض جواه
انا الحضن الحنين
لو قال في يوم الاه
انا عنقود العنب
اللي بضلل عليه
انا كتف انا السند
لو مال مرة يلاقي
انا نبع الحنان
انا الحب اللي كان
يحميه من الزمان
ويضمه بين ايديه
انا كل حياته
انا حبه و ذكرياته
انا العمر اللي فاته
لو راح يندم عليه
انا البيت الكبير
انا حب بضمير
عمر ما يلاقي زيه
في العالم واللي فيه
انا الدفى والأمان
انا البيت والعنوان
انا اللي حب عمره
انا اللي عايشة ليه
انا عنقود العنب
اللي بضلل عليه
انا كتف انا السند
لو مال مرة يلاقي
انا هفضل اعيش معاه
ساكنة روحه وهواه
حبي ما يوم ينساه
واحلف انا ميت يمين
شيلاه في نن عيني
مهو نن عيني
بعده ده على عيني
والله انا روحي فيه
لو حتى مش معايا
برضه هيفضل معايا
حبه ده اجمل حكاية
وهقول انا تاني ايه
ويا سكر ودايب
يا اغلى الحبايب
يا اغلى عليا مني
ومن العالم واللي فيه
هتفضل دايما في بالي
وهسهرلك ليالي
ولو لمو الناس عليا
ما يلومو انا هعمل ايه
انا عنقود العنب
اللي بضلل عليه
انا كتف انا السند
لو مال مرة يلاقي
2020 /17/8
:
#ماجدة_البهيدي
:
تعليقات
إرسال تعليق